काही स्वरचित्रे, काही शब्दचित्रे (१७) -- मुझे रात दिन..

मुझे रात दिन..
(येथे ऐका..)

तसं अलिकडच्याच काळातलं गाणं, पण खूप छान..

सुंदर लय असलेलं शांत स्वभावाचं गाणं. गाण्याची चाल सुरेख आहे, मनाला भावणारी आहे, शब्दांना न्याय देणारी आहे..

सोनू निगम हा तसा गुणी कलाकार. चांगलं गायलं आहे त्यानं हे गाणं. मनापासून गायलं आहे. सोनूला निश्चितपणे मार्क दिले पाहिजेत..

मेरी बेकरारी को हदसे बढाना,
तुझे खूब आता है बाते बनाना..

वा! अंतराही तसा बरा आहे.. गाण्याचं चित्रिकरण पाहताना वैट मात्र एकाच गोष्टीचं वाटतं की फोनवर (जलते जै जिसके लिये - सुनील दत्त फेम!) जो इसमवजा नायक हे गाणं म्हणतो आहे त्या बापड्या नायकाशी गालाला छानश्या खळ्या पडणार्‍या प्रिती झिंटाचं काही एक देणंघेणं नाही.. तिचा जळ्ळा जीव आहे तो राजेश खन्नाच्या जावयावर! चालायचंच! :)

पण गाणं मात्र सुंदरच आहे हे निर्विवाद..!

-- तात्या अभ्यंकर.